كيف تعرفون انه لابتوبكم مهكرين عليه

السلام عليكم ورحمه الله وبركاتهـ ..


شخباركم اعضاء .. عساكم مرتاحين .. شو رمضان وياكم ؟؟



~~~~~~~~~~


اول شئ معلومة على الطاير ..


لاني يوم كنت اسمع الناس وجي ما كنت اصدقهم


بس يوم شفت البرنامج جدام عيني .. صدقت< توه الناس هع


يقولكم مثلا يوم اتنزلون العاب ..


انتوا تلعبون وشادين حيلكم .. وما تدرون ورى هالالعاب شو في ..


انا ما اقولكم كل الالعاب .. بس في الألعاب من مواقع مب معروفه..


يقولكم .. راوانه المحاضر .. شاشه .. فيها اربع اقسام


اول قسم يوم فتحه .. متسيف فيه كل فايلات الورد والاكسل اللي في لابكم


وثاني قسم .. لو صوره يلتقطها الكام لو عندكم كام


وثالث قسم .. مقطع صوت لمده خمس ثواني .. لو عندكم مايك


ورابع قسم .. معلومات عن اللاب توب مالكم .. مثل ال IP وغيره


وطبعا ها كله يطرش للهكر .. وعقب ........ مافي داعي اكمل ..


فحـــــــــــــــــذروا .. لان انا من الناس اللي ما كنت مصدقه ويوم شفت بعيني


انصدمت ..


~~~~~~~~~~~~~~~~


وثاني قسم حبيت اشاركم فيه اللي هو


كيف تعرفون انه لابتوبكم مهكر


اتبعوا الخطوات .. وراح تكتشفون ..



اول شئ



ادخلوا هني


اضغط هنا


وعقب بتطلع لكم هالشاشـــه بس عليكم تضغطون على المكان اللي مأشره عليه فالصوره


check for Infection




والخطوه الثانيهـ ..


بتظهر لكم شاشة ثانية ..




اذا شفتوه الصور كلها ظاهره .. يعني مبرووك .. لابتوبكم مب مهكر


بس لو حصلتوا ×


شرات اللي فالصوره هاي .. يعني لابتوبكم مهكر ..


وهني كل صوره مختفيه شو يعني وكل شئ مع الشرح



ان شالله استفدتوا ..



جميع الحقوق محفوظه لـ N.H



" لو استاهل قيموني "